ГИББС ЭНЕРГИЯСЫ

ГИББС ЭНЕРГИЯСЫ, и з о б а р а – и з о т е р м а л ы к п о т е н ц и а л, э р к и н э н т а л ь п и я – термодинамикалык потенциалдардын бири; көз каранды эмес параметрлер $p$ (басым), $T$ (термодинамика температура) жана $N$ (системадагы бөлүкчөлөр саны) аркылуу термодинамикалык системаны мүнөздөөчү функция. Ал кээде $G$ (кээде $Z$, $\Phi$) деп белгиленет жана энтальпия $H$, энтропия $S$ жана температура $T$ менен $G$=$H$$T$$S$ барабардыгы аркылуу берилип, ал эми Гиббс энергиясы Гельмгольц энергиясы $F$ менен $G=F+pV$ катнашы аркылуу байланышат. Ал курчап турган телолор менен зат алмашуу процесстерин баяндап жазууда ыӊгайлуу. Термодинамикага Гиббс энергиясы түшүнүгүн америкалык физик Ж. У. Гиббс 1874-жылы киргизген. Турактуу басым кезинде жүргөн изотермалык теӊ салмактуулук процессинде Гиббс энергиясы азайып, максималдуу пайдалуу жумушка барабар. Гиббс энергиясы көбүнчө кДж/моль же кДж/кг аркылуу туюнтулат.