ГИДРАВЛИКАЛЫК СОККУ

ГИДРАВЛИКАЛЫК СОККУ – түтүктөгү суюктук ылдамдыгынын өтө тез өзгөрүшүнөн анын басымынын кескин (көз ирмемде) өзгөрүү кубулушу (мисалы, түтүктүн бекиткичин тез жапканда). Орус окумуштуусу Н. Е. Жуковскийдин теориясына ылайык Гидравликалык соккудагы басымдын көбөйүшү Д$p=p(v_{0}-n_{1})c$ формуласы м-н аныкталат, мында Дp – Па м-н туюнтулган басымдын көбөйүшү, с – бирдиги кг/м³ болгон суюктук тыгыздыгы, $v_{0}$ ж-а $v_{1}$ – тиешелүү түрдө тосмо коюлганга чейинки ж-а коюлгандан кийинки м/сек м-н ченелген суюктуктун орточо ылдамдыктары, с – согуу толкунунун түтүктү бойлото таралуу ылдамдыгы. Абсолюттук катуу капталдуу түтүктө с үндүн суюктуктагы таралуу ылдамдыгына $\alpha$барабар (сууда $\alpha =1400$ м/сек). Капталы серпилгичтүү түтүктө $c={\sqrt {E\sigma \over E\sigma +\varepsilon D}}$ м-н аныкталат, мында $D$ ж-а $\delta$– тиешелүү түрдө түтүктүн диаметри ж-а калыӊдыгы, $E$ ж-а $\varepsilon$ – түтүк жасалган материалдын ж-а андагы суюктуктун серпилгичтик модулдары. Басым өтө чоӊойгондо Гидравликалык сокку аварияга алып келбеси үчүн түтүктөргө ар түрдүү сактагычтар орнотулат.