ГИДРОАККУМУЛЯТОР ЭЛЕКТР СТАНЦИЯСЫ (ГАЭС)

ГИДРОАККУМУЛЯ́ТОР ЭЛЕ́КТР СТАНЦИЯСЫ (ГАЭС) – башка электр станцияларынан алынган электр энергиясын суунун потенциалдык энергиясына өзгөртүп, керек учурда кайрадан электр энергиясына айландыруучу гидроэлектрстанция. ГАЭС түтүк өткөргүчтөр м-н туташтырылган биринен-бири бийик жайгашкан эки бассейнден турат. ГАЭСтин ичинде насос м-н сууну төмөнкү бассейнден жогорку бассейнге соруп толтурат. Электр тогу керек болгондо суу жогорку бассейнден түтүк өткөргүчтөр аркылуу генератордук режимде иштөөчү ГАЭСтин агрегаттарына барып, аларды кыймылга келтирет. Аккумуляцияланган (чогулган) энергиянын чоӊдугу бассейндин сыйымдуулугуна ж-а жумушчу басымга жараша болот.