ГИДРОЛОКАЦИЯ

ГИДРОЛОКА́ЦИЯ (гидро... ж-а лат. Lokatio – жайгашуу) – үн толкунунун жардамы м-н суу алдындагы объектилердин жайгашуу ордун, ылдамдыгын ж-а аларга чейинки аралыкты аныктоо. Объектилердин абалын аныктоо алардан чыккан үн сигналдары (пассивдүү локация) же аларга атайын жиберилген үн сигналдарынын суу алдындагы объектилерден чагылышы (активдүү локация) аркылуу жүргүзүлөт. Сууда үндүн таралуу ылдамдыгы, нурлануу моменттерин ж-а үн сигналын кабыл алуу убактысы боюнча объектиге чейинки аралык, кайра чагылып келген сигналдын багыты боюнча объектиге карай багыт аныкталат. Гидролокация кемелерди (суу алдындагы кайыктарды) байкоодо, балыктардын үйүрүн, деӊиз ж-а океандын түбүн изилдөөдө пайдаланылат.