ГИНЕКОЛОГИЯ ООРУЛАРЫ

ГИНЕКОЛО́ГИЯ ООРУЛАРЫ – аял организминин анатомия-физиологиялык өзгөчөлүгүнө байланыштуу оорулар. Аларга инфекция, травма, уулануу, химиялык заттардын, этек кирдин нейрогумордук бузулушу, шишиктин пайда болушу, жыныс органдарынын кемтиги ж. б. себеп болот. 20дан 50 жашка чейинки аялдарда сезгенүү оорулары – кольпит, эндометрит, сальпингит көп кездешет. Ички жыныс органдарынын сезгенүү оорулары көпкө созулуп, кайталап кармаса, тукумсуздукка алып келет ж-а этек кир цикли бузулат. Дарылоо гинекологиялык ооруканада, акушергинекологиялык кабинеттерде жүргүзүлөт. Айыл жерлеринде мындай оорулууларга фельдшер-акушердик пункттарда (ФАП) жардам көрсөтүлөт.