ГИПС

ГИПС (гр. gepsos – бор, акиташ) – кальцийдин суулуу күкүрт тузу, минерал. Химиялык формуласы CaSO₄ . 2H₂O. Таза Г-те 32,56% CaO, 46,51% SO₃, 20,93% H₂O бар. Моноклин сингониясында кристаллданат. Өӊү түссүз, тунук боз, аппак, кызгылт, күрөӊ, кара. Айнектей жалтырак. Катуулугу Моос шкаласы боюнча 1,5–2;

тыгыздыгы 2,3 г/см³. Деӊиз м-н көлдөрдүн түбүндө чөкмө түрүндө ж-а ангидрит минералынын гидратталышынан пайда болот. Курулуш ишинде, кыртышты гипстештирүүдө, майда кооз буюмдар жасоодо, айыл чарбасында, медицинада, оптикада, скульптурада, боёк даярдоодо кеӊири колдонулат.