ГУК ЗАКОНУ

ГУК ЗАКОНУ – серпилгич чөйрөдөгү чыӊалуу м-н кичине деформациялар арасындагы сызыктуу көз карандылыкты туюндуруучу закон. Англиялык физик Р. Гук 1660-жылы, узуну $l$ ж-а туурасынан кесилиш аянты $S$ болгон өзөккө $F$ күчү м-н аракет этсе, анда анын узаруусу $\Delta l$ ошол күчтүн чоӊдугуна түз көз каранды экендигин тапкан, башкача айтканда $\Delta l=kF$, мында $k=l/E\cdot S$ (E – Юнг модулу). Гук законун төмөнкүчө жазууга болот: $G\ =E\cdot \varepsilon$, мында $G=F/S$ – нормалдуу чыӊалуу, $\varepsilon =\Delta l/l$ – салыштырма узаруу. Жылышуудагы жантайма чыӊалуу $t$ жылышуу деформациясына ($\gamma$ түз көз каранды, б. а. $\tau =G\cdot \gamma$, мында $G$ – жылышуу модулу). Гук законун берилген материалдын касиетине жараша сырткы күч м-н деформациянын маанилери белгилүү чоӊдуктан ашпаганда орун алат.