ДАЙКА

ДА́ЙКА (англ. dike же dуke, сөзмө-сөз – тоскоол, таш дубал) – жарыш беттер м-н чектелип, жа­наша жаткан тоотектерди жарып өткөн геологиялык

тулку. Жер кыртышындагы (литосферадагы) жаракалардын магмага толушунан пайда болуп, көбүнчө тик же жантайыӊкы абалда жайга­шып, узундук ж-а тереӊдик б-ча алыска созу­лат. Калыӊдыгы 5–10 мге чейин. Жайгашуусу боюнча Дайка топтошкон, радиалдуу, шакек сымал болуп бөлүнөт. Дайка жанаша жаткан тоотектерге караганда катуурак келгендиктен, денудация­нын таасиринен талкаланбай дубал сыяктуу көтөрүлүп калат. Кээде Дайка айрым металлдардын (алтын, полиметалл ж. б.) кендери кездешүүчү белги болуп саналат.