ДАКАР

ДАКА́Р – Сенегалдын борбор шаары (1960-жыл­дан). Жашыл Тумшук жарым аралында. Дакар облусунун административдик борбору. Өз алдынча административдик бирдик болуп бөлүнгөн. Калкы 2,4 млн (2007). Батыш Афри­канын ири өнөр жай, транспорт ж-а соода-финансы борборлорунун бири. Атлантика океанындагы

Шаардын океан жак тарабы.

порт. Эл аралык аэропорту бар. Тамак-аш–та­тымал, текстиль, самын кайнатуу, кеме куруу, автомобиль чогултуу өнөр жай ишканалары иштейт. Университеттер (анын ичинде политехникалык), Кара Африканы изилдөө институту, музей, китепкана, театр бар. «Париж-Дакар» автораллисинин акыркы пун­кту. 1857-жылы француз форту катары негиздел­ген. 1904–60-жылдарда Француздук Батыш Африканын административдик борбору болгон. Дакарда 1966-жылы 1-бүткүл дүйнөлүк Кара Африка искусство фестивалы бол­гон. Жыл сайын заманбап африка искусствосунун көргөзмөсү (1992-жылдан) өткөрүлүп турат. Ту­ризм өнүгүүдө.