ДАЛДАЛЧЫ

ДАЛДАЛЧЫ , ш и р е ӊ к а н а ч ы – соодада сатуучу м-н кардарды макулдаштыра турган адам. Базарда өздөрү табышып, кымбат сурап, арзан берип жаткан эки кишинин ортосуна өзү эле аралашып, экөөнү эпке келиштирип, калыс­тыкта соодалап жиберет. Базар салтында сатуу­чу да, алуучу да Далдалчыга аздан акча-тыйын ширеӊкана беришкен. Алар ар күнү эртеден базар та­раганга чейин жүргөндүктөн, кесип катары эсеп­телген. Мурда соодага көӊүл бөлбөгөндүктөн, кыргыз Далдалчылар сейрек кездешкен. Кыргыздардын соодасын өзбек, татар Далдалчылар бүтүрүп беришкен. Учурда рынок экономикасынын шартына жа­раша Далдалчылар көбөйүп, алардын аткаруучу мил­деттери өзгөрүүдө.

И. Молдобаев.