ДАЛЬТОН ЗАКОНДОРУ

ДА́ЛЬТОН ЗАКОНДОРУ – газ аралашмалары­нын касиеттери баш ийген физикалык закон ченем: 1) бири-бири м-н өз ара химиялык аракетке келбеген идеалдык газда аралашмасынын басымы алар­дын бөлүк (парциалдык) басымдарынын сумма­сына барабар; 2) турактуу температурада суюктук­тун үстүндө жайгашкан газдын аралашмасынын ар бир компонентинин ошол суюктукта эриши, парциалдык басымга пропорциялуу болот. Бул закон ар бир газдын эригичтиги анын басымы­на жараша болот деген Генри законун толук­тайт. Дальтон закондору аралашмага кирген газдар бири-би­рине таасир тийгизбестен, өздөрүн өз алдынча алып жүрүшү м-н түшүндүрүлөт. Бул закондор­ду 1801- ж-а 1803-жылдарда Ж. Дальтон ачкан.