ДАМПИР

ДА́МПИР Уильям (Dampier William) (8.6, 1652, Сомерсет графтыгы, Йовилге жакын – март, 1715, Лондон) – англиялык деӊиз сүзүүчү, окумуш­туу, соодагер ж-а деӊиз каракчысы. Үч жолу дүйнөнү айланып сүзгөн. Бир нече жыл Вест- Индияда жүрүп, океанга байкоо жүргүзгөн. Ав­стралиянын түндүк-батышы аркылуу сүзүп өтүп, бир нече аралдар тобун (анын ичинде Дампир аралын) ж-а майда аралдарды ачкан. Тынч океандын түштүк аймагынын картасын түзгөн ж-а сүрөттөп жаз­ган. Ал 1691-жылы Англияга кайра кайтып, сая­каты тууралуу бир нече китеп (анын ичинде «Жаӊы Голландияга саякат» ж. б.) жазган. Дампирдин «Ша­малдардын багыты» деген эмгеги метеорология үчүн өтө баалуу.