ДАФНИЯЛАР

ДАФНИЯЛАР (Daphnia), с у у б ү р г ө л ө р ү – тал-тал муруттуу ракчалар түркүмчөсүнүн уруу­су. Тузсуз сууда жашоочу жаныбарлар. Узундугу 1–3 мм. Айрым жыныстуу, партеногенез жолу м-н кө­бөйөт. Ургаачысы калыӊ кабыктуу бир же эки жумуртка таштайт. Жайында жупташпай өөрчүп, ал эми күзүндө майда ургаачы Дафниялар пайда болот. Жер бетинде 26, КМШ өлкөлөрүндө 14 түрү бар. Түндүк Муз океандан башка бардык жерде тараган. Алар көлдө ж-а жасалма көлмөдө, убактылуу суу сактагычта, жай агуучу суу бу­луӊдарында жашайт. Көбүнчө бактериялар, ба­лырлар, жөнөкөйлөр ж-а өсүмдүктөрдүн детрит­теринин майда бөлүктөрү м-н азыктанат; жаш балыктарга жем болот.