ДЕМ АЛДЫРУУЧУ АППАРАТ

ДЕМ АЛДЫРУУЧУ АППАРА́Т – өпкөгө газдын (аба, кычкылтек, азот ж. б.) берилишин кам­сыз кылуучу түзүлүш. Ал өпкөнүн канын кыч­кылтекке каныктырып, андан көмүр кычкыл газын бөлүп чыгарат. Дем aлдыруучу аппарат оорунун бетине жабылган беткеп же дем алуу жолуна кирги­зилген түтүк аркылуу дем алуу органына бириктирилет. Аларга АМБУ ж-а РО-5 аппа­раттары кирет. АМБУ аппараты эки жагы кла­пандуу резина же пластмассадан жасалган баш­тыкча түрүндө болот. Бир клапаны сырттагы абаны (кычкылтекти) баштыкчанын ичине өткөрүп, ал оорулуунун дем алуу жолун карай газды кысат, экинчи клапан ачылып, жай дем чыгаруу пайда болот.