ДЕПОЗИТ

ДЕПОЗИ́Т (лат. depositum – сактоого берилген буюм) – 1) банк кардарларынын белгилүү бир талаптарын ырастоочу банк китебиндеги жазуу; 2) банкка жеке адамдын же юридикалык жактын аты­нан сактоого жайгаштырылып‚ ээси тарабынан эсеп үчүн пайдаланылышы‚ ошондой эле накталай алып коюлушу мүмкүн болгон акча каражатта­ры же баалуу кагаздар; 3) бажы жыйымдарын ж-а салыктарын төлөө үчүн бажы мекемелери­не төгүм; 4) доону‚ сотко келүүнү ж. б. камсыз кылуучу соттук ж-а административдик мекемелерге төгүлгөн акча каражаттары.