ДИКАМБАЕВ

ДИКАМБАЕВ Казы (1. 12. 1913-ж. т., Ысык- Көл обл., Түп р-ну, Талды-Суу айылы –16. 02. 2010, Бишкек) – мамл. ж-а парт. ишмер, КРдин эмг. сиң. экономисти (1974). 1937-ж. Ташкент эл чарба ин-тун бүткөн. 1937–40-ж. Кыргыз ССР мамл. пландоо комиссиясында экономист, Фрун­зе облпландын башчысы, Кыргыз ССР мамл. пландоо башкармасынын орун басары, 1940–41- ж. Кыргыз ССР Эл Комиссарлар Советинин төра­гасынын орун басары, мамл. текшерүү эл ко­миссары, 1944–48-ж. Кыргыз ССР тышкы иштер министри, 1948–49-ж. Кыргыз ССР Эл Комис­сарлар Советинин төрагасынын орун басары.

1949–51-ж. Кырг-н КП БКга бюро мүчө ж-а ө. ж., куру­луш, транспорт б-ча секре­тары, 1951–58-ж. партия­нын Фрунзе обкомунун 1- секретары, 1958–61-ж. Кыр­гыз ССР Министрлер Сове­тинин төрагасы, 1961–86-ж. Кыргыз ССР мамл. пландоо к-тинин төрагасынын орун басары болуп иштеген. СССР Жогорку Советинин (2–5-чакырылышы­нын), Кыргыз ССР Жогорку Советинин (2–3-, 5-чакырылышынын) депутаты, 1951–55-ж. Кыр­гыз ССР Жогорку Советинин (3-чакырылы­шында) төрагасы. Эки Ленин, Эмгек Кызыл Туу, I даражадагы Ата Мекендик согуш, III (1997) ж-а I (2003) даражадагы Манас ордендери ж-а медалдар м-н сыйланган. Бишкек ш-нын ардак­туу атуулу (2003).