ДИКТАНТ

ДИКТА́НТ , ж а т ж а з у у – окуучуларды ада­бий тилдин жазуу түрүнө үйрөтүү үчүн эреже катары пайдаланылган көнүгүүлөр тиби; көбүн­чө орфографияны ж-а пунктуацияны окутууда окуучуларды сабаттуу жазууга жатыктыруу, билимин текшерүү ж-а бекемдөө үчүн колдону­луучу жазуу иштеринин бир түрү. Д. үн чыга­рып окуудан ж-а аларды окуучулардын көчүрүп жазуусунан турат. Окулуп жаткан тексттин жазылышына карай Д. түр өзгөртүүчү, танда­лып алынуучу, чыг-лык, эркин болуп бөлүнөт. Милдети б-ча үйрөтүүчү, эскертмелүү, коммен­тарийлөөчү түшүндүрүүчү сөздүк ж-а текшерүүчү Д. болуп бөлүнөт. Д-тын түрүн тандап алуу тил­дик материалдарды изилдөөдөгү өзгөчөлүктөргө жараша аныкталат. Д-тын атайын түрлөрү баш­ка окуу предметтерин (мис., чет тилде, матема­тика, география, тарых, муз. мектепте сольфед­жио) окутууда да колдонулат.