ДИНИШЕВ
ДИНИШЕВ Алибек (30. 7. 1951-ж. т., Алматы) – казак опера ырчысы, Казак эл арт. (1981), СССР эл арт. (1986). 1970-ж. Алматы муз. окуу жайын, 1976-ж. Алматы консерваториясын (азыркы Казак улуттук консерваториясы) бүтүргөн. 1976–79-ж. Казак опера жа балет театрында иштеп, Ленскийдин (П. И. Чайковский, «Евгений Онегин»), Владимирдин (А. П. Бородин, «Князь Игорь»), Айдардын (А. Жубанов, Л. Хамиди, «Абай»), Төлөгөндүн (Е. Г. Брусиловский, «Кыз Жибек»), Санаттын (Е. Рахмадиев, «Дың тууралуу ыр»)

ж-а Косаевдин (Г. Жубанова, «Жыйырма сегиз») ж. б. партияларды аткарган. Кырг-нга бир нече ирет келип, концерт берген. Репертуарында эл ырлары да кеңири орун алган. Д. – Бүткүл союздук комсомол сыйл. (1979), профессионал ырчылардын М. И. Глинка атн. эл аралык конкурсунун (Цвиккау, 1977), Рио-де Жанейродо өткөн эл аралык кароонун (Бразилия, 1979) лауреаты. 1997-ж. «Алибек Динишев театрын жана вокал академиясын» уюштуруп, аны жетектөөдө. 1998-ж. бул театрда вокалисттердин 1-эл аралык кароо-конкурсу өткөн. «Парасат» ордени м-н сыйланган (1996). Ч. Жумагулов.