ДИПЛОМАТИЯЛЫК АКТ
ДИПЛОМАТИЯЛЫК АКТ – бир мамлекеттин тышкы иштер мекемеси тарабынан экинчи бир мамлекеттин тышкы иштер мекемесине жиберилүүчү же тапшырылуучу кат жүзүндөгү текст. Д. а-нын бир нече түрү бар. 1. Н о т а – мамлекеттер ортосундагы мамилелердин ар түрдүү маселелерин тастыктоо иретинде тийиштүү таризде чагылдыруучу расмий кат аркылуу кайрылуу; кандайдыр бир факт ж-дө кабар берүүчү дипл. документ. Нотада аны жиберген өкмөттүн каралып жаткан маселелер б-ча расмий көз карашы берилет. Нотаны, адатта, бир мамл ек ет ти н өк мө тү башка мамлекетт ин өкмөтүнө жиберет. Жеке (коллективдүү) нота: өздүк ж-а вербалдык деп экиге бөлүнөт. Өздүк нота биринчи жактан жазылып, жиберген кишинин колу коюлат. Вербалдык нота үчүнчү жактан жазылат да, кол коюлбайт (бирок мөөрү басылат, номуру коюлат). 2. М е м о р а нд у м – көбүнчө нотага тиркелип, каралып жаткан маселенин иш жүзүндөгү, документтик же укуктук жагдайлары баяндалуучу документ. 3. Э с к е р т м е к а т – кыскача меморандум иретинде жазылып, оозеки билдирүүлөргө кошумча катары датасы коюлуп, жөнөтүлгөн жери көрсөтүлүп жиберилчү же колмо-кол тапшырылуучу документ. 4. Дипл. иште кээде р а см и й к а т жиберүү да колдонулат, бул да нотанын бир формасы болуп эсептелип, жиберген адамдын тилинде же дипл. тилдердин биринде жазылат.