ДИПЛОМАТИЯЛЫК КЛАССТАР

ДИПЛОМАТИЯЛЫК КЛАССТАР — мамлекет­тердин чет өлкөлөрдө иштеп жатышкан дипло­матиялык өкүлчүлүктөрүнүн башчыларына бе­рилүүчү наамдар. Дипл. мамилелер ж-дөгү Вена конвенциясында (1961) дипл. өкүлчүлүк башчы­лары үчүн Д. к-ды ыйгаруу белгиленген. 1) Ата­йын ж-а Толук ыйгарым укуктуу Элчи, Нун­ций (Ватикан элчиси); 2) Атайын ж-а Толук ый­гарым укуктуу Өкүл-дипломат, Интернунций; 3) Ишке ишенимдүү Өкүл. Д. к-дын укуктук абалдары бирдей. Мамл. дипл. өкүлчүлүктүн башчылыгына элчи дайындалат; өкүл-дипломат ж-а ишке ишенимдүү өкүлдөр айрым гана учур­ларда дайындалышы мүмкүн. КРде төмөнкүдөй Д. к. белгиленген: КРдин Атайын ж-а Толук ыйгарым укуктуу Элчиси; КРдин Атайын ж-а Толук ыйгарым укуктуу Өкүл-дипломаты; КР-дин ишке ишенимдүү өкүлү.