ДИПЛОМАТИЯЛЫК УКУК
ДИПЛОМАТИЯЛЫК УКУК – мамл., эл аралык уюмдардын ортосундагы дипл. алаканы жөнгө салуучу эл аралык укук нормалары. Д. у. системасы эл аралык алаканы жөнгө салуунун төмөндөгүдөй негизги формаларына ылайык келет: а) бир мамлекеттин дипл. өкүлчүлүгү аркылуу башка мамлекет аймагында ишке ашырылуучу эки тараптуу дипломатия; б) конкреттүү маселелерди чечүү максатында башка мамлекетке же эл аралык жолугушууга (конф-га) атайын миссия жиберүү; в) эл аралык уюмдардын делегациясы ж-а мамлекеттердин эл аралык уюмдардагы туруктуу өкүлдөрү же уюмдардын өздөрү аркылуу ишке ашырылуучу көп тараптуу дипломатия. Д. у. дипл. мамилелер ждөгү Вена конвенциясына (1961), атайын миссиялар ж-дөгү конвенцияга (1969), о. эле ар бир өлкөнүн мыйзамдарына таянат. Чет өлкөлөрдүн дипл. өкүлдөрү, о. эле элчиликтин ж-а миссиянын дипл. кызматкерлери, алардын үй-бүлөлөрү дипломатиялык иммунитеттен пайдаланышат.