ДИРИЛДӨӨ ТЕХНИКАСЫ
ДИРИЛДӨӨ ТЕХНИКАСЫ – 10 мгцтен 10 кгцке чейинки жыштыктагы мех. термелүүнү козгоочу каражаттар м-н ыкмалардын ж-а дирилдөөнү башкаруу, өлчөө, текшерүү, о. эле зыяндуу дирилдөөгө каршы күрөшүү ыкмаларынын жыйындысы. Д. т-на пайдалуу жумушту аткаруу (топуракты ж-а бетон аралашмасын тыгыздоо ж-а ныктоо, сыноолорду жүргүзүү ж. б.) үчүн дирилдетилүүчү куралдар ж-а түзүлүштөр, дирилдөөнү башкаруучу, өлчөөчү аппараттар ж-а зыяндуу дирилдөөнү токтотуучу, басаңдатуучу, жок кылуучу түзүлүштөр кирет. Булар 500 гцке чейинки жыштыктагы термелүүнү берүүчү борбордон четтөөчү, электр-магниттүү (50–100 гц), поршендүү (1–80 гц), ийри муунак-шатундуу (1–20 гц) дирилдетип жүргүзгүчтөр м-н кыймылга келтирилет. Дирилдөөнүн параметрлери (которулушу, ылдамдыгы ж-а ылдамдануусу, жыштыгы, фазасы, амплитудасы) виброметр ж-а акселерометр м-н өлчөнөт. Дирилдөөнү өлчөөчү аппаратура билдиргичтен, өзгөрткүчтөн, анализдегичтен, көрсөтүүчү ж-а каттоочу приборлордон, сигналдык түзүлүштөн турат. Д. т-нын негизги милдеттеринин бири – адам, машина, прибор ж-а курулуштарды дирилдөөнүн зыяндуу таасиринен сактоо. Бул үчүн дирилдөөнү баскыч, статистикалык ж-а динамикалык теңдегичтер, инерциялык ж-а серпилгич элементтер кеңири колдонулат.