ДИРХЕМ
Навигацияга өтүү
Издөөгө өтүү
ДИРХЕ́М , д и р х а м – 1) арабдардын байыркы күмүш тыйыны, 2,97 г таза күмүшкө барабар. 695-ж. Араб халифатында чегилген. Алгач тыйын бетине сүрөт түшүрүлбөстөн, жазуулар гана болгон. Соода-сатыкта колдонулган. 697-ж. Аб-
дал-Маликтин Араб халифатында жүргүзүлгөн реформасынын натыйжасында О. Азияга тараган. О. кылымда чебер кол өнөрчү айына 30, жардамчысы 15 Д. алган. Кебез кездемеден тигилген көйнөк 10 Д. турган. Бир тоок бир Д-ге сатылган. 9–12-к-да Д. Байыркы Руска да жеткен. 2) Ирак, Иордания, Кувейт, Ливия, Марокко, Бириккен Араб Эмираттарынын акча бирдиги; 3) Египет м-н Суданда асыл металлдардын салмак өлчөмү (3,12 г).