ДИССЕРТАЦИЯ

Кыргызстан Энциклопедия жана Терминология Борбору дан
Навигацияга өтүү Издөөгө өтүү

ДИССЕРТА́ЦИЯ (лат. dissertātio – ойлоп табуу, изилдөө, талдоо) – окумуштуулук даража алуу үчүн даярдалган ж-а ачык корголуучу ил. эм­гек. Аспирантураны бүтүргөн же кандидаттык экзаменди тапшырган жогорку билимдүү адам­дардын Д-сы жарактуу деп табылганда гана Д. коргоого уруксат берилет. КРде Д-нын үч түрү бар: а) магистрдик Д.; б) кандидаттык Д.; в) докторлук Д. Магистрдик Д-лар ун-ттерде мамл. аттестациялык комиссиялардын жыйы­нында корголот. Д-лардын темасы, эреже ката­ры, ил. мекемелердин, ЖОЖдун негизги ил.-из. иш багыттары м-н байланыштырылышы керек, алардын окумуштуу (ил.-тех.) кеңештери тара­бынан ар бир изденүүчү үчүн ж-а бир эле убакта ил. консультантын (докторлук Д.) же ил. же­текчисин (кандидаттык Д.) дайындоо м-н беки­тилет. Илимдин докторунун окумуштуулук да­ражасын алууга жазылган диссертация ил. ква­лификациялуу, илимдин тийиштүү тармагынын адистиги б-ча изденүүчү тарабынан өз алдынча даярдалган, ил. изилдөөнүн негизинде аткарыл­ган эмгек болуп эсептелет ж-а төмөнкү талап­тардын бирине жооп бериши керек: а) ил. жак­тан негизделген багыттардын өнүгүшүндө маа­нилүү социалдык-экон., маданий, саясий ж-а чарбалык мааниси бар ил. маселелерди чечүүнү камтыган жаңы натыйжаларга ээ болуу; б) теор. жоболорду, эксперименттик натыйжаларды, алардын жыйындысын, ачык-айкын ил. ба­гытты өнүктүрүүдө ири натыйжаларды алуу; в) ИТПге ири салым киргизе турган иштеп чы­гууларды жүзөгө ашыруу. Докторлук Д. коргоого бир же эки адистик б-ча коюлушу мүмкүн. Илим­дин кандидатынын ил. даражасын изденүүгө даярдалган Д. изденүүчү тарабынан өз алдынча даярдалган илимдин тийиштүү тармагынын адистиги б-ча же, эреже катары, илимдин док­торунун жетекчилиги астында аткарылган ква­лификациялуу ил. эмгек болуп эсептелет ж-а төмөнкү талаптардын бирине жооп бериши ке­рек: конкреттүү билимдин тармагы үчүн олут­туу мааниси бар белгилүү бир ил. маселени чеч­кен натыйжаларды алуу; маанилүү колдонмо милдетти чечүүнү камсыз кылуучу тех., экон. же технол. иштеп чыгууларды камтыган на­тыйжаларды алуу. Кандидаттык Д., эреже ка­тары, бир адистик б-ча коргоого коюлат.

Ад.: Асанов У. А., Джуманазарова А. З., Чороте­гин Т. К. Наука Кыргызстана в лицах. Б. 2002; Аса­нов У. А., Джуманазарова А. З. Кыргызская наука в зеркале диссертационных исследований. Б., 2003. Э. Мамбетакунов.