ДИФЕНИЛАМИН

ДИФЕНИЛАМИ́Н , (С₆Н₅)₂NH – мүнөздүү жыты бар, жарыкта карарып кетүүчү түссүз кристалл.
Б. эрүү t – 54–55°С; кайн. t – 302°С. Сууда эри­бейт, диэтил эфиринде, бензолдо, ацетондо, CCl₄ жакшы эрийт. Концент. минералдык к-талар м-н аракеттенишип, суюлтулган к-таларда ж-а сууда гидролизденүүчү туздарды пайда кылат. Азот м-н байланышкан Н атому щелочтуу ме­таллдын атому м-н орун алмашууга жөндөмдүү. Арил, алкил ж-а ацил топторуна орун алмашуу­су анилинге караганда кыйыныраак жүрөт.
Ө. ж-да Д. анилинди анын гидрохлориди м-н басым алдында 300°С ысытуудан ж-а Al₂O₃ ар­кылуу (400°С) анилиндин бууларын өткөрүү жолу м-н алынат. Д. – полимерлер үчүн анти­оксиданттардын ысыкка ж-а атмосферага турук­туулугун жогорулатуу үчүн стабилизатор, жум­шак болоттордун коррозиясынын ингибитору катары, түрдүү синтездерде, азобоёктор ж-а три­метан боёкторун алууда, о. эле анализдик хи­мияда колдонулат.