ДНЕПРОПЕТРОВСК

ДНЕПРОПЕТРО́ВСК (1796-ж. чейин ж-а 1802– 1926-ж. Екатеринослав, 1796–1802-ж. Новорос­сийск) – Украинадагы шаар. Днепропетровск обл-нун борбору. Днепр д-ндагы порт. Калкы 1,2 млн (1996). Т. ж. тоому. Д. – Украинанын көмүр-металлургия аймагындагы оор ө. ж-дын ири борбору. Кара металлургия (2 металлургия ж-а 2 куур прокат з-ддору ж. б.), машина куруу (өндүрүш бирикмелери: «Түштүк машина куруу з-ду», оор пресс ж. б.; тоокен-шахта ж-а метал­лургия жабдуулары, станок, электровоз куруу, комбайну з-ддору), радио, хим. (пластмасса, шина ж. б.), кокс-хим., курулуш материалдар, жеңил, тамак-аш – татымал ө. ж. ишканала­ры иштейт. Украина ИАнын ил. борбору. Тогуз ЖОЖ (а. и. 2 ун-т), 5 театр (а. и. опера ж-а балет театры), 3 музей (а. и. тарых ж-а көркөм) бар. 1776-ж. негизделген. Шаар коомдук ишмер Г. И. Петровскийдин урматынан аталган. По­тёмкин сарайы (учурда Студенттер сарайы; 18- к-дын аягы), Приображение кафедралуу собору (19-к.) сакталган.