ДОБУЛ

ДОБУЛ – атмосферадагы кубулуш; анда калың катмарлуу, жаанчыл-түрмөктөлгөн булуттарда же булут м-н жердин аралыгында жаркылда­ган электр заряддары – чагылган пайда болуп, күн күркүрөйт. Д. жүргөндө нөшөрлөп (кээде мөндүрлөп) жамгыр жаап, мөндүр уруп, алай­дүлөй бороон-чапкын болот. Жаансыз Д. болушу да мүмкүн. Д. атм. фронттор арасында (фронт­тук) ж-а жер бетинен жылган жерг. абанын не­гизинде (ички массалык) пайда болот. Жер ша­рында бир эле мезгилде 1800гө чейин Д. жүрүшү мүмкүн. Арктикада бир нече жылда бир жолу, мелүүн алкакта жылына ондогон күн болушу мүмкүн. Кургактыкта жайкы, океанда кышкы Д-дар үстөмдүк кылат. Айрым аймактарда (Түш.-Чыгыш Азия, Борб. Америка ж. б.) Д-дуу күндөрдүн саны 200 күндөн ашыгыраак болот.