ДОБУЛБАС

ДОБУЛБАС – кыргыздын барабан сымал ба­йыркы урма аспабы. Тулкусу жезден, мистен, темирден жасалып, тулга сымал түспөлдө ке­лет. Жыгач алкактын бетине төөнүн чылгый териси капталып жасалган. Илгери согушта бел­ги берүү, душмандын үрөйүн учуруу максатын­да пайдаланылган. Д-ты мүнүшкөрлүккө чык­канда кайберенди ж-а илбээсинди үркүтүү үчүн да колдонушкан. Д-ты колго же ээрдин кашы­на илип

коюп, тоголок баш таякча м-н ургулап ойношкон. Казактын даулпазы Д-ка окшош. Д-тын жакшыртылган түрү азыр эл аспаптар оркестрлеринде, ансамблдерде пайдаланылууда. Д-тын добул, доол, доолборс деген түрлөрү да учурайт. Бирок алардын эң кеңири тараган тү­рү – доол.

Ад.: Алагушов Б. Кыргыздын элдик музыкалык аспаптары. Ф., 1974.