ДОКУМЕНТ

ДОКУМЕ́НТ (лат. documentum – үлгү, далил, күбөлүк) – 1) убакытта ж-а мейкиндикте берүүгө арналган‚ бардык эле маалыматтардын мате­риалдык алып жүрүүчүсү – кагаз‚ магнит тас­масы, компьютердин эси ж. б.; 2) укуктук маа­ниси бар фактыларды, маалыматтарды күбөлөн­дүрүүчү акт. Жарандык абалда күбөлөндүрүүчү паспорт, айдоочунун күбөлүгү, кызматтык кү­бөлүк, нике тууралуу күбөлүк ж. б., о. эле тен­дердик, тескөө, бухгалтердик эсеп, тарыхый ж. б. Д. болот. Д-теги маалыматтар кайра иш­теп чыгууга ыңгайлуу ж-а колдонуудагы мый­замдарга ылайык укуктук мааниге ээ болууга тийиш; 3) маалыматтык-издөө системасында (МИС) китеп‚ чийме‚ статистикалык таблица‚ патент‚ статья ж. б. системага киргизилген бар­дык эле объект Д. деп аталат.