ДОКУЧАЕВ

ДОКУЧА́ЕВ Василий Васильевич [17. 2(1. 3.). 1846, азыркы РФ, Смоленский обл., Сычев р-ну, Милюков кыш. – 26.10 (8.11). 1903, Петербург] – орус табияттаануучу, азыркы топурак таануу илимин ж-а зоналык агрономияны негиздөөчү. 1871-ж. Петербург ун-тинин физика-математи­ка ф-тинин табият таануу илимдер бөлүмүн бүткөн. 1872-жылдан Петербург табият таануу коомунун, 1873-жылдан минералогия коому­нун анык мүчөсү. 1871–86-жылдары Волга, Днепр, Батыш Двина д-нын жогорку алапта­рындагы өрөөндөрдүн түзүлүшүн ж-а борпоң тоо тектерди изилдеген. Д-дин жетекчилиги м-н Нижний Новгород губерниясынын аймагы изил­денип, анын топурак ж-а геол. картасы түзүлгөн. Д. топуракты бонитировкалоонун табигый-та­рыхый ыкмасын сунуш кылган. Анын идеяла­ры токой таануу, мелиорация, гидрогеология ж. б. илимдердин өнүгүшүнө таасирин тийгиз­ген. 1946-ж. В. В. Докучаев атн. сыйлык ж-а алтын медаль белгиленген.

Эмг.: Соч., т. 1–9. М., 1949–61.

Ад.: Чеботарева Л. А. Василий Васильевич Докучаев //Докучаев В. В. Соч. Т. 9. М., 1961.