ДОЛИНКА (КАРА-ОЙ) БАТКАК КЕНИ

ДОЛИ́НКА (КАРА-ОЙ) БАТКАК КЕНИ – Ысык- Көл р-нундагы дарылык касиети бар баткак жаткан жер. Ысык-Көлдүн жээгинде, Кара-Ой кыш-нын түш.-чыгышында. 1957-ж. табылып, 1965-ж. запасы, дарылык касиети аныкталган. Кен көл түбүндөгү чөгүндүлөрдөн пайда болгон.
Үстүнкү катмары (калыңдыгы 0,2–0,3 м) күкүрт­түү суутек жыттанган кара түстөгү ылай баткак­тан, асты бозомтук кара (0,3 м) ж-а боз (0,2 м) ылайдан турат. Алардын астында кум ж-а кум­топурактуу ылай жатат. Баткак аз минералдаш­кан (4,7 г/л), күкүрт суутектүү (100 г баткакта­гы Н₂S 75 мг/лге жетет). Баткактын нымдуу­лугу 43–53%, 0,25 ммден чоң өлчөмдөгү бүртүк­чөлөр м-н булганышы 0,2 %тен ашпайт. С. салм. 1,4–1,5. Аянты 2200 м², орт. калыңдыгы 0,7 м. Запасы 74,6 миң т.