ДОЛОН БИЙ
ДОЛОН БИЙ – кыргыздардын санжыралык-генеол. маалыматтарында айтылган түпкү атасы. Ферганалык молдо Сайф ад-Дин Аксыкентинин 16-к-га таандык тажик тилиндеги «Мажму ат-таварих» («Тарыхтар жыйнагы») аттуу кол жазмасында Д. б. м-н кошо анын жети атасы Аналхак, Арслан бий, Мары бий, Шүкүр бий, Сангин бий, Сары бий, Домбур (Домбул) бийлердин ысымдары сакталып калган. Башка тарыхый-генеол. уламыштарда Д. б. тууралуу кыскача гана маалыматтар айтылат. Анда Д. б-дин Ак уул ж-а Куу уул аттуу балдары болуп, алардан тараган тукум кыргыздын оң ж-а сол деген эки канатын түзүшкөн. Санжыранын соңку варианттарында Д. б-дин сөөгү Борб. Теңир-Тоого коюлуп, анын ысмынан ашуунун аты аталып калганы эскерилет. 16-к-дын тарыхый дареги «Тарих-и Рашидиде» Долон топонимикалык аталыш катары ошол эле аймакта жайгашкан. Т. Асанов.