ДОЛОН 1
ДОЛОН 1 (моңголчо жети) – КЭРдин Синьцзян Автономиялуу обл-нда (Жарган-Дарыя, Чекилдек, Караңгылык) жашаган калктардын бири. Бүгүнкү күндө уйгурларга жуурулушуп бараткан Д-дун түпкү теги айрым маалыматтарда кыргыз экендиги белгиленет. Д-дун материалдык мад-ты ж-а антропол. тиби да кыргыздарга жакын. Ч. Валиханов Чыгыш Түркстандагы Барчык ж-а Марал-Башы аймактарын мекендеген Д. аттуу өзгөчө уруу ж-дө жазып, алар өздөрүнүн тегин кыргыздар м-н жалпы экендигин белгилешерин эскерген. Санжыра маалыматтарында Долон бий Ак уул, Куу уулдун атасы деп айтылып, алардан кыргыздын оң, сол ж-а ичкилик уруулары тарары айтылат. Этноним жети уруу
же жети уруу эл маанисин да туюнтушу ыктымал.
Ад.: Абрамзон С. М. Кыргызы и их этногенетические этнокультурные связи. Ф., 1990. О. Каратаев.