ДООЛ

ДООЛ – кыргыздардын урма музыкалык аспабы. Туулга түрүндө темирден, жезден, мистен жасалып, кененирээк жагына тери капталат. Доолду ээр­дин кашына илип коюп ойногон. Ал абалтан эле аңчылар, өзгөчө мүнүшкөрлөр арасына кеңири тараган.

«Ма­нас» эпосунда баа­тырлар жоого кир­генде, жеңгенде кер­ней, сурнай, добул­бас жана башка аспаптар менен бирге Доол каккан деп айтылат.

Ад.: Алагушов Б. Кыргыздын элдик музыкалык аспаптары. Ф., 1974.