ДОТАЦИЯ

ДОТА́ЦИЯ (лат. dōtātio – cыйлык, тартуу) – мамлекет тарабынан ишканаларга‚ бийликтин жергиликтүү органдарына‚ ошондой эле айрым адамдарга зыян­дын ордун толтуруу‚ жоголгондорду компенса­циялоо‚ төмөнкү бюджеттерди баланстоо ж. б. максаттар үчүн берилүүчү акча каражаттары. Дотация алуучу тарабынан кайтарылары болжолдон­бойт ж-а анын так белгиленген багыты болбойт. Адатта жалпысынан улуттук экономика үчүн мааниси бар аз кирешелүү ж-а чыгашалуу өндүрүш Дотацияланат. Айыл чарба‚ социалдык-маданий ме­кемелер‚ калкты тейлөөчү турак жай-коммунал­дык ишканалары ж-а уюмдары үчүн Дотация кеңири жайылтылган. Бюджеттик мамилелерди кайра түзүү шарттарында Дотация системасы бюджеттен кар­жылоонун субвенциялык формасы (к. Cубвен­ция) м-н алмаштырылат.