ДУНИТ

ДУНИ́Т (Жаңы Зеландиядагы Дун тоосунун атынан) – ультра негиздүү магма тоо теги. Өңү кара, каралжын же ачык жашыл. Тыгыздыгы 3,28 г/см³. Дунит 85 – 100% оливинден, 3 %ке че­йин хромиттен ж-а кенташ (руда) минералда­рынан турат. Курамында магний өтө көп, крем­ний аз. Ал силл, жарыш жаткан линзалар ж-а кайчылашкан түтүкчөлөр түрүндө кезигет, кээ­де гана ири интрузия тулкуларын пайда кы­лат. Дунит м-н бирге хромит, платина, никель, кобальт, темир, тальк, хризотил-асбест ж. б. кездешет. Дунит отко чыдамдуу минералдарды чы­гарууда кеңири колдонулат.