ДЫЙКАНДАР

ДЫЙКАНДАР – алгачкы коомдун бузула баш­таган мезгилинде пайда болгон өз алдынча тап.
Өндүргүч күчтөрдүн улам жаңы баскычка өнүгүүсүнүн натыйжасында уруулук жамааттар­дын ичинен эң биринчилерден болуп Д. бөлүнүп чыккан. Коомдун алдыга өнүгүүсү м-н бара-бара жикке бөлүнүү башталып, жеке менчиктин ка­лыптанышына байланыштуу Д-дын арасынан улам байлардын келип чыгышы мыйзамче­немдүү көрүнүш болуп эсептелет. Жеке менчик­тин калыптануусуна чоң салым кошкон. Салыш­тырмалуу түрдө дүйнө жүзүндөгү калктын те­ңинен көбүн түзөт. Кайсыл коомдо болбосун Д-дан салык алып турууга ар бир мамлекеттин өз кызыкчылыгы калыптанган. Эл чарбасына керектүү тамак-аш ж. б. азыктарды өндүрүп чы­гаруудагы негизги күч. А. ч-сы өнүккөн кээ бир өлкөлөрдө алдыңкы күчтөрдүн бири болуп, дүң продукциянын көбү Д. тарабынан өндүрүлөт.