ДҮКӨНӨК МӨҢГҮСҮ

ДҮКӨНӨК МӨҢГҮСҮ – Түркстан кырка тоосу­нун түн. капталындагы татаал өрөөн тибинде­ги мөңгү. Уз. 5,0 км, аянты 5,3 км². Каравшин суусунун алабынан орун алган. Мөңгүнүн башы деңиз деңг. 4930 м, этеги 3480 м бийикте жатат. Кар чегинин бийикт. 3888 м. Абляция облусу­нун аянты 1,6 км². Фирн облусу кырка тоонун дого сымал ийилген кыры м-н чектелген жазы төрдү ээлейт. Мөңгүдөн Орто-Чачма суусунун (Ка­равшиндин сол куймасы) башаты – Дүкөнөк суусу башталат.