ДҮЛӨЙ ЧАЛКАН

ДҮЛӨЙ ЧАЛКАН (Zamium) – өсүмдүктөрдүн эрин гүлдүүлөр тукумунун уруусу. Бир же көп жылдык чөп. Бир жылдыктарынын тамыры ичке. Сабагы тамырынан чачырап өсөт, сейрек түк м-н капталган. Көп жылдыктарынын та­мыр сабагы сойлоп өсөт. Жалбырагы тегерек, жүрөк сымал же бөйрөк сымал, чети терең ке­силген. Түктүү, төмөнкүлөрү узун саптуу, жо­горкулары сабаксыз. Гүлдөрү сабакты айлана топтошуп жайгашкан, кызгылт ж-а ак түстө. Мөмөсү жумуртка сымал, үч кырдуу, жиктүү, жаңгакча. Кээси бакчаларда, айрымдары бадал­дардын, токойлордун арасында, капчыгайлар­да, таштын коңулдарында өсөт. О. Азияда, Алтайда, Жуңгар Ала-Тоосунда таралган, КМШ өлкөлөрүндө 15тей түрү, Кырг-нда 2 түрү кез­дешет. М. М. Ботбаева.