ДҮМҮР КАЗГЫЧ
ДҮМҮР КАЗГЫЧ – дүмүр казып чыгаруу, чоң таштарды кыртыштан бошотуп алуу, а. ч. өсүмдүктөрүн өстүрүү үчүн жерлерди өздөштүрүү ж-а жол салуу, жаңы жерлерди дарактардан ж-а бадалдардан тазалоо, жол ж-а кургатуучу канал даярдоо ж. б. жумуштарда колдонулуучу машина. Д. к-тын тартуучу арканы (лебедка, аркан түзүлүштөрү), о. эле тартуу же түртүү күчүнүн ж-а көтөрүү күчтөрү же көтөрүү күчтөрү м-н тартуу күчтөрүнүн биригишинин натыйжасында сууруп алуучу тиштүү жумушчу бөлүгү болот. Анын тракторго асылма, чиркелме же өзү жүрүүчү түрлөрү бар. Көбүнчө асылма-трактордун түртүү күчүнүн аркасында дүмүр казып чыгаруучу Д. к. колдонулат. Мындай Д. к. рамадан, тиштүү жумушчу бөлүктөн ж-а көтөрүүчү механизмден турат. Казуу убагында тиш дүмүрдүн астына тереңдеп кирип, трактордун күчү м-н аны түртүп жылдырат ж-а бир эле убакта өйдө көтөрөт. Жумушчу органдары (негизинен алмашылма) лебедканын же трактордун гидросистемасынын жардамы м-н кыймылга келет. 11*
Алуу кеңдиги 1,2—1,4 м болгон Д. к-тар чыгарылат, жумушчу бөлүгү 700 ммге чейин тереңдиктеги кыртышты сүрө алат.