ЖАЙНАКОВ Аманбек
ЖАЙНАКОВ Аманбек (7. 10. 1941-жылы туулган, Талас облусу, Талас району, Кырк-Казык айылы) – физика-математика илимдеринин доктору (1984), профессор (1987), КР УИАнын академиги (2000), КРдин
илим ж-а техника боюнча мамлекеттик сыйлыгынын лауреаты (1992). КРдин илимге эмгек сиңирген ишмери (2000). КМУну (1963) ж-а анын аспирантурасын (1966) аяктаган. 1963-жылдан КМУда окутуучу, улук окутуучу, доцент, профессор, кафедра башчысы болуп иштеген. 1976- жылдан Кыргыз ССР билим берүү министрлигинин астындагы информатика ж-а маалымат технологиясы институтунун директору, 1996-жылдан КМТУнун кафедра башчысы ж-а 2003–08-жылдарда КР УИАнын вице-президенти. Анын илимий эмгектери жылуулук физикасына, жогорку температурадагы процесстердин жылуулук ж-а масса алмашуу теориясына арналган. Жылуулук физикасынын маселелерин чыгаруунун сан методдору ж-а жаа разрядындагы энергия ж-а масса алмашуу боюнча илимий багытка зор салым кошкон. 200дөн ашык илимий эмгеги, анын ичинде 9 монографиясы, 5 окуу китеби ж-а колдонмосу жарык көргөн. Медалдар м-н сыйланган.
Эмг.: Теория столба электрической дуги (в соавторстве). Новосибирск, 1989; Электрическая дуга– генератор низкотемпературной плазмы (в соавторстве). Ф., 1991; Численный анализ неосесимметричных электрических дуг (в соавторстве). Б., 2001.