ЖАЛГАН ДМИТРИЙ
ЖАЛГАН ДМИ́ТРИЙ II, («Т у ш и н о у р у ус у» ) (т. ж. б. – 1610) – Жалган Дмитрий I өлтүрүлгөндөн кийин падыша Иван IVнүн уулу Дмитриймин деп чыккан Польша баскынчылары м-н Ватикандын ишенимдүү куйту кишиси. Ким экени белгисиз. 1607-ж. жайында Ж. Д. II
жетектеген поляк отряддары Россияга кол салып, 1608-жылдын июнунда Москвага жакындап келген. Москваны ала албагандан кийин анын жанындагы Тушино кыш-нда кош түзүп,
өлкөнүн борб. аймактарына чабуул коюп турган. Көп узабай Ж. Д. IIге ж-а баскынчыларга каршы элдик кыймыл башталган. Коомдо колдоосу жок В. И. Шуйский падышанын өкмөтү Ж. Д. II м-н күрөшүү үчүн шведдерден жардам сураганын шылтоолоп, 1609-ж. августта Польша ачык баскынчылыкка өткөн. Ж. Д. IIге жамынуу пайдасыз болгондуктан, поляк отряддары Тушино кошунун таштап кеткен. Орус аскерлери 1610-ж. Тушино кошунун кыйраткан. Ж. Д. II Калугага качып, ал жерде өзүнүн шериктери колдуу өлгөн.