ЖАЛГАН КЫЧЫ

ЖАЛГАН КЫЧЫ , г о р ч и ц а (Sinapis) – өсүмдүктүрдүн кайчы гүлдүүлөр тукумундагы бир, чанда көп жылдык чөп . Анын 7–10 түрү белгилүү, неги­зинен сарепт жалган кычысы эгилет. Сабагынын би­йиктиги 25–150 см, бутактуу, түз өсөт. Саадак мө­мөлүү, сары күрөң түстө, даамы ачуу. Данында 35–50% май болот. Ал тамак-аш, консерва, пар­фюмерия өнөр жайында, дары-дармек жасоодо керек­телет. КМШ өлкөлөрүндө 2 түрү бар. Жалган кычы неги­зинен Төмөнкү Волга бою, Казакстан, Түндүк Кав­казда эгилет. Ар гектарынан 12–15 ц (кээде 25– 27 ц) түшүм жыйналат. Илдеттери: жалган ке­бер, дат. Зыянкечтери: кайчы гүлдүүлөр бүргөсү м-н канталасы, капуста күбөсү, жалган кычы жалбы­рак жегичи (коңуз) ж. б.