ЖАЛПЫ ЭКОЛОГИЯ

ЖАЛПЫ ЭКОЛО́ГИЯ – ар түрдүү экологиялык билим­дерди бирдей негизде бириктирген илимий багыт. Анын өзөгүн теориялык экология (экология тармактарынын жалпы мыйзам ченемин аныктайт) түзөт. Табигый экологиялык процесстердин көбү түрдүү себептерге байланыштуу өтө жай өтөт. Аны изилдөөдө жалаң байкоо жүргүзүү жетишсиз, ага сынак да талап кылынат. Бирок сынак мүмкүн­чүлүгү экологияда чектелүү гана. Ал үчүн модел­дештирүү (айрыкча математикалык моделдештирүү) ке­ңири колдонулат. Ал маалыматтарды иштеп чы­гуу ж-а материалдарды терең талдоо ишин теориялык экология ж-а математикалык экология карайт, к. Экология.