ЖАМАН-ДАВАН

ЖАМАН-ДАВАН – Тогуз-Торо районундагы суу, Алабуганын оң куймасы. Узундугу 64 км, алабынын аянты 335 км². Жаман-Тоонун түндүк капталы­нан башталып, жогорку агымында Сырт-Каш­ка-Суу аталып, Туура-Суу кошулгандан кийин Жаман-Даван аталат да, кууш өрөөн аркылуу түндүктү карай агат. Ортоңку ж-а төмөнкү агымында өрөөнү кеңейип, саздуу келет. Жылдык орточо чыгымы 2,6–3,5 м³/сек, эң көбү июнь – июлда, азы февраль – мартта байкалат. Апрель – сен­тябрда кирип, октябрь – мартта тартылат. Не­гизинен кар, мөңгү ж-а булак сууларынан ку­ралат. Сугатка пайдаланылат.