ЖАНЫБЕКОВ 1
ЖАНЫБЕКОВ Алтынбек (15. 6. 1934-ж. т.‚ Чүй обл.‚ Аламүдүн р-ну‚ Ала-Арча айылы) – комп.‚ Кыргыз ССРинин иск-восуна эмг. сиң. ишмер (1979)‚ КРдин эл арт. (1995). М. Күрөңкөев атн.
муз.-хореогр. окуу жайын (1957)‚ Курмангазы атн. Алматы мамл. консерваториясынын теор.-композитордук ф-тин (1962) бүткөн. 1957-жылдан Кырг-н композиторлор союзунун мүчөсү. 1962–65-ж. Кыргыз CCР мамл. радио уктуруу ж-а телекөрсөтүү к-тинде редактор‚ бир эле мезгилде Фрунзедеги М. Күрөңкөев атн.
муз.-хореогр. окуу жайында окутуучу‚ 1967- жылдан Б. Бейшеналиева атн. КМИИде доцент‚ проф.‚ 1993-жылдан Кыргыз улуттук консерваториясынын проф. Ж. ар кандай жанрдагы 250дөй чыгармаларды‚ а. и. кыргыз музыкасынын тарыхында биринчилерден болуп фортепьяно ж-а оркестр үчүн концерт жазган. Чыгармаларында элдик муз. ыргактарды чебер пайдаланат. Көлөмдүү симф. чыгармалардын («Т. Cатылгановдун эстелигине»‚ «Ата журт»)‚ симф. поэмалардын («Д. Шопоковдун эстелигине»‚«Менин Кыргызстаным»)‚ симф. сүрөттөмөнүн («Ак алтындуу айылда»)‚ симф. бийлердин‚ симф.
увертюралардын‚ кантаталардын («Даңктан‚ Кыргызстан!»‚ «Кыргыз элине даңк!»)‚ сонаталардын‚ ырлардын‚ романстардын («Жаштар маршы»‚ «Түндө»‚ «Аккуу»‚ «Издейм сени» ж. б.)‚ камералык-аспаптык чыгармалардын‚ хорлордун автору‚ спектаклдерге («Караш-Караш»‚ «Балдар бойго жеткенде») музыка жазган. Медалдар м-н сыйланган.