ЖАРГОН

ЖАРГО́Н (фр. jargon – келжир сөз) – жалпы элдик тилден айырмаланган, кандайдыр бир со­циалдык же кесиптик топтун речине гана тиешелүү болгон өзгөчөлүктөрдүн (сөз маани­леринин, туюнтмалардын) жыйындысы. Бел­гилүү гана чөйрөлөр үчүн түшүнүктүү болгон шарттуу тил же жасалма сөздөр. Ж-дордо жал­пы элдик тилдеги көпчүлүккө түшүнүктүү сөз­дөр м-н алмашылат. Мис., кыргызча «бөлкөн­тай» – гонорар. Ж. жеке адамдардын мүнөзүн ачуу үчүн көркөм ад-тта да, кээде бурмаланган, туура эмес айтылган сөздөрдү белгилөөдө да кол­донулат.