ЖАСАЛМА БӨЙРӨК

ЖАСАЛМА БӨЙРӨК , г е м о д и а л и з а­т о р – бөйрөктүн кызматын аткаруучу аппа­рат. Ж. б. организмди алмашуу продуктусунан бошотот, бөйрөктүн катуу кармаган ж-а өнөкөт кемтигиндеги физиол. процесстерди жөнгө са­лат, о. эле ууланганда уу заттарды, ал эми дене шишип кеткенде, ашык сууну бөлүп чыгарат. 1913-ж. амер. илимпоз Ж. Абель диализ үчүн түзгөн аппараттын негизинде 1944-ж. голланд илимпозу В. Колф Ж. б. аппаратын жасап, би­ринчи жолу колдонгон. Гемодиализде (Ж. б. иш­тегенде) оорулуунун каны төмөнкү көңдөй ве­надан сордуруп алынып, диализдөөчү эритме­лер м-н жарым-жартылай тазалангандан ки­йин, сырткы веналардын бирине кайра куюлат. Ж. б. Кырг-нда 1963-жылдан атайын адистеш­кен жайларда колдонулат.