ЖАШОО ҮЧҮН КҮРӨШ
ЖАШОО ҮЧҮН КҮРӨШ б и о л о г и я д а – организмдердин жашап кетүү м-н бирге өзүнөн кийин тукум калтырууга жөндөмдүүлүгү, түр ичиндеги ж-а түр аралык атаандаштык, ошондой эле тышкы чөйрөнүн абиота шарттарына карата аракети. Мындай күрөш организмдердин жашоосу, көбөйүүсү үчүн керектүү шарттар жетишпеген учурда чыгат. Ал табигый тандалуу м-н тыгыз байланыштуу. Бул түшүнүктү 1859-жылы Ч. Дарвин сунуш кылган. Жашоо үчүн күрөштү айыгышкан касташуу эмес, организмдер ортосунда боло турган өз ара мамилелердин көрүнүштөрү деп аныктаган. Жашоо үчүн күрөш түр ичинде ж-а түрлөр арасында жүрөт. Т ү р и ч и н д е г и с и бир эле түргө тиешелүү организмдердин ортосунда болот. Мисалы, карышкырлар жем үчүн, ал эми кызыл карагайлар жарык үчүн күрөшөт. Т ү р л ө р а р а с ы н д а г ы к ү р ө ш т ө ар кайсы түрлөргө тиешелүү организмдер ортосунда түрдүү мүнөздөгү күрөш жүрөт. Мисалы, жырткычтын ж-а ага жем болчу жаныбардын ортосундагы күрөш.