ЖАҢЫ-АКМАН

ЖАҢЫ-АКМАН – Жалал-Абад обл-нун Базар- Коргон р-нундагы кыштак. Акман айыл окру­гунун борбору. Базар-Коргон суу сактагычына жакын, деңиз деңг. 740 м бийикте жайгашкан. Райондун борбору Базар-Коргон кыш-нан 12 км түш.-чыгыш тарапта. Шамалды-Сай т. ж. беке­тинен 55 км. Кыштак 1956-ж. негизделген. Кал­кы 3825 (2007); негизинен дыйканчылыкта, мал чарбасында эмгектенет. Башталгыч мектеп, ки­тепкана, клуб бар. Үй-бүлөлүк врачтар тобу, тур­муш-тиричилик кызматынын бөлүмдөрү, ашка­на ж. б. иштейт. Улуу Ата Мекендик согушта курман болгондорго эстелик тургузулган.